अतरा क ई निरमोला वेईग्या : राजेन्द्र सनाढ्य राजन
📅 10 January 2025, 12:28 AM
•
✍️ paliwalwani
•
⏱️ 3 मिनट में पढ़ें
शेयर करें:
कदी तो म्हणेंई दिल ऊँ,
कर लिया करो रे आद,
आल्तक तो जीवीं रो हूँ,
वाट नाळूँ दन- रात।
•┄┅_══════_┅┄•
अतरा क ई दुनियाँ री,
चकाचौंध मा आंधा वेईग्या,
नोटा सिवाय क ई नी दिखी रो,
अतरा क ई निरमोला वेईग्या।
•┄┅_══════_┅┄•
आपां लारे मोटा विया रे,
अर लारे कीदी भणाई,
म्हणें तो सब आद हैं,
आप सब भूली ग्यां क ई।
•┄┅_══════_┅┄•
क ई लारे नी आवें ला,
मन करी लो भोळा,
मसाणा मा वेरा वेईस,
मोटा- मोटा टोळा।
•┄┅_══════_┅┄•
कोई कंडोई भूखों नी,
सब खाई रा दाळ- रोटी,
बाकि तो ओ कळजुग हैं,
वातां तो वैती रे छोटी- मोटी।
•┄┅_══════_┅┄•
दिल रेवें जंडो मोटो,
अर हाथ रेवें हमेसा खोळा,
भगवान विने न्याल करे,
भरे हमेसा वंडा झोळा।
•┄┅_══════_┅┄•
परेम वना क ई कोई नी,
थौड़ों परेम रो राखों भर,
अठै किराया री झौंपड़ी,
ऊपरे असली घर।
•┄┅_══════_┅┄•
राजन रे चाई रा भाईड़ा,
खाली दो मीठा बोल,
आई न,नी मल सको तो,
कदी कर दो मिस-कोल।
कदी कर दो मिस-कोल।।
•┄┅_══════_┅┄•
राजेन्द्र सनाढ्य राजन
व्याख्याता- रा उ मा वि नमाना नि-कोठारिया, जि-राजसमंद
(राजस्थान) 99829807774
📲
चैनल से जुड़ें →
पालीवाल वाणी WhatsApp चैनल से जुड़ें
ताज़ा ब्रेकिंग न्यूज़ और समाज के सभी समाचार सबसे पहले अपने फोन पर पाएं।
प्रमुख विषय:
