भैं गी पाणी में...
भैंगी पाणी में
दो छोरा बैठा-बैठा,
आपस मा करी रा वातं,
अतराक मा सुरू वैईगी,
एक अनोखी करामात।
एक छोरों बोल्यों,
भैं गी पाणी में,
वठी ने मोटी लगाई,
अधर ऊं उतरी पाणी में।
कत्याळों तो वेणोंईस हो,
लगाई ने आई गी पाण,
वणी चम्पल पकड़ न,
माथा मा मेली केई दाण।
म्हूँ थने भैं लागी री हूँ,
थारे घरे आई क ई चरवां,
मोटी- ताजी हूँ तो हूँ,
थारे क्यूँ खाई रा हैं खरवां।
छोरों बिचारों सकपकाई ग्यों,
वो तो हैंपूची हो अणजाणं,
वणी पड़ौसी री वातं कीदी,
जो दिवाळ्यों वैईग्यों जाण।
मुहावरों उन्दो पड़ी ग्यों,
दोयां रो नी हो दोस,
एक दूजा रो मुंडों देखें,
क ई कारण नी हो ठोस।
वातं करणी तो राजन,
अठी ने- वठी ने देख न करणी,
क ई पतों अड़े- भड़े वे,
कोई असी खूँखार धरणी।
कोई असी खूँखार धरणी।।
● राजेन्द्र सनाढ्य राजन
व्याख्याता- रा उ मा वि नमाना
नि. कोठारिया, जि.राजसमंद, राजस्थान M. 9982980777
पालीवाल वाणी WhatsApp चैनल से जुड़ें
ताज़ा ब्रेकिंग न्यूज़ और समाज के सभी समाचार सबसे पहले अपने फोन पर पाएं।
