तरे- तरे री खोपड़्यां
अबे क ई वताऊं आप ने,
अठै तरे- तरे री खोपड़्यां,
कोई बोले तो बोल्यांई जा,
कोई वे हैपूंची बोबड़्यां।
======00======
कोई उधार्या भगत वे,
कोई बिचारा वे रोकड़्यां,
कोई हुदा- हादा वे अठै,
कोई फदके अठै चौकड़्यां।
======00======
कोई बढ़्या सूट- बूट पेरे,
कोई पेरे खाली पौतड़्यां,
कोई अबाणा पगा चाले,
कोई पेरे अठै मौचड़्यां।
======00======
कोई मेळ- माळ्यां वणावें,
कोई वणावें अठै झौपड़्यां,
कोई अंगुठा छाप रैई जा,
कोई भणे अठै चौपड़्यां।
======00======
हंगळा ऊं रामा-सामी करो,
खराब मती करो खोपड़्यां,
राजन चार दना रो मेळों हैं,
आप मती हुजावों होबड़्यां।
आप मती हुजावों होबड़्यां।।
======00======
राजेन्द्र सनाढ्य राजन
वाइस प्रिंसिपल : रा उ मा वि नमाना
नि-कोठारिया, जि-राजसमंद,राजस्थान
रचणां नं- 4392
पालीवाल वाणी WhatsApp चैनल से जुड़ें
ताज़ा ब्रेकिंग न्यूज़ और समाज के सभी समाचार सबसे पहले अपने फोन पर पाएं।
