उमर रो सवाल नी हैं :

• अतरी उमर कर न आपा, 

नौ री तेरा क ई की दी, 

खाली खाई-खाई न, 

आपाणी तूंद मोटी की दी। 

___________● ● ________

• ओ काम तो जानवर ई करे, 

तो आपा नवाई क ई की दी, 

उल्टा फेर आपा लोगा री, 

हाया वाळी हाया ली दी। 

___________● ● ________

• पच्चीस साल री उमर मा, 

पृथ्वी राज सरग सिधार ग्यां, 

दोई आँखा फोड़ी नाकी तोई,

मो. गौरी ने लांबों करी ग्यां। 

___________● ● ________

• तैईस साल री उमर मा, 

कल्ला राठौड़ नाम करी ग्यां, 

वनाई माथा खूब लड़्यां, 

अकबर रा होस उड़ी ग्यां। 

___________● ● ________

• सत्तावन साल री उमर मा, 

प्रताप परलोक परा ग्यां, 

माथो नीचों नी कीदो कदी, 

मुगला ने पाठ पढ़ाई ग्यां। 

___________● ● ________

• चौईस साल री उमर मा, 

भगत सिंह फाँसी चढ़ी ग्यां, 

पण भारत री जनता मा, 

आजादी री अलख जगाई ग्यां। 

___________● ● ________

• उमर रो सवाल नी हैं राजन, 

आछा करमां रो सवाल हैं अठै, 

आपा अस्यों क ई कीदो जो, 

ऊँचों मुंडों कर चाला अठै। 

ऊचों मुंडों कर चाला अठै।। 

___________● ● ________

राजेन्द्र सनाढ्य राजन

वाइस प्रिंसिपल, रा उ मा वि नमाना

नि-कोठारिया, जि-राजसमंद, राजस्थान)