जै हिन्द बोल्यों वेला : राजेन्द्र सनाढ्य राजन
जै हिन्द बोल्यों वेला
सैणिक री लास देखों,
वंडों बाकों फाटी रो,
एक हाथ ऊँ सेल्यूट कर,
वो जै हिन्द बोल्यों वेला।
●////////////////////●
देखों वंडों ललाट,
कतरो धूळा ऊँ भराई रो,
मात भौम री माटी ऊँ,
वणी तलक निकाळ्यों वेला।
●////////////////////●
देखों वंडों सीणों
खूण ऊँ लथपथ वैई रो,
दुसमण रो हर वार,
वणी छाती पे झेल्यों वेला।
●////////////////////●
देखों तिरंगो झंडों,
आल्तक ई लेराई रो,
थौड़ोक ई नी झुकी जा,
वणी काठों पकड़्यों वेला।
●////////////////////●
देखों वंडों मुंडों,
मंद- मंद मुस्कराई रो,
भारत माता री इज्जत पे,
खुद री मौत भूल्यों वेला।
●////////////////////●
देखों वंडों हाथ राजन,
क ई इसारों करी रो,
अबे देस आप रे हवाले,
केई न साँस छोड़्यों वेला।
केई न साँस छोड़्यों वेला।।
●////////////////////●
वाइस प्रिंसिपल : राउमावि. नमाना
नि-कोठारिया, जि-राजसमंद, राजस्थान
पालीवाल वाणी WhatsApp चैनल से जुड़ें
ताज़ा ब्रेकिंग न्यूज़ और समाज के सभी समाचार सबसे पहले अपने फोन पर पाएं।
