आपकी कलम
हाथ कीदा करम - राजेन्द्र सनाढ्य राजन
paliwalwani
बेटा रे चक्कर मा,
रे-रेन वण्यों बापू,
हातवीं छोरी रो नाम,
आगो राख्यों धापू।
● ● ● ● ● ● ● ● ● ●
वणा ने देख-देख न,
अबे थर-थर काँपू,
पाळू किस्तर वणा ने,
कठै जाई न नोट छापूँ
● ● ● ● ● ● ● ● ● ●
छोर्या री इच्छा रो,
किस्तर गळो दाबूँ,
कठै हाऊ गाबा न,
कठै हीरा-हाबू।
● ● ● ● ● ● ● ● ● ●
रोटी गळे नी उतरे,
भली कतरी परी चाबूँ,
आँखा मा आँऊ पड़े,
किस्तर राखूँ काबू।
● ● ● ● ● ● ● ● ● ●
हाथ-पग गळी ग्यां,
बैठी ग्यां म्हारा झाबू,
जीव गळा मा आईग्यों,
गरस्थी ने किस्तर ढाबूँ।
● ● ● ● ● ● ● ● ● ●
हाथ कीदा करम,
जोकर वण ग्यों बाबू,
राजन अस्यों करो मती,
विणती करे ओ बापू।
विणती करे ओ बापू।।
● ● ● ● ● ● ● ● ● ●
● राजेन्द्र सनाढ्य राजन
वाइस प्रिंसिपल, रा उ मा वि नमाना
नि-कोठारिया, जि-राजसमंद, राजस्थान)
