आप वणों विवेकानंद : राजेन्द्र सनाढ्य राजन
राजेन्द्र सनाढ्य राजन : वाइस प्रिंसिपल
अबास्यां खाई-खाई न,
रे-रेन बाकों फाड़ी रा,
आँखाई पूरी नी खुली री,
मचक-मचक करी रा।
केवें-विवेकानंद वणा ला।।
♾️♾️♾️♾️♾️♾️
मुंडा पे देखें तो,
माखाई माखा पड़ी रा,
मांदेल जानवर जूँ,
ऊँघें जूँ ऊँघी रा।
केवें-विवेकानंद वणा ला।
♾️♾️♾️♾️♾️♾️
ऊबा ई नी रेई सके,
दड़क- दड़क पड़ी रा,
हाथ- पगा मा दम ई नी,
फूँक दो तो उड़ी रा।
केवें-विवेकानंद वणा ला।।
♾️♾️♾️♾️♾️♾️
आकोदन चौत्तर्या घसे,
केई घंटा कम पड़ी रा,
भणाई तो खूँटी पे टेरी,
गुरू पे आँखा काडी रा।
केवें-विवेकानंद वणा ला।।
♾️♾️♾️♾️♾️♾️
माँ- बाप ई परेसाण,
रात-दन छाती कूटी रा,
क ई केई नी सके बिचारा,
तू-तड़ाका ऊं वातं करी रा।
केवें-विवेकानंद वणा ला।।
♾️♾️♾️♾️♾️♾️
पेली खुद ने तपाई लो,
पछे सब वणों विवेकानन्द,
राजन ने घणी खुसी वैई,
देस मा वैई आनंद ई आनंद।
केवें-विवेकानंद वणा ला।।
♾️♾️♾️♾️♾️♾️
पालीवाल वाणी WhatsApp चैनल से जुड़ें
ताज़ा ब्रेकिंग न्यूज़ और समाज के सभी समाचार सबसे पहले अपने फोन पर पाएं।
