तरे- तरे री खोपड़्यां

अबे क ई वताऊं आप ने, 

अठै तरे- तरे री खोपड़्यां, 

कोई बोले तो बोल्यांई जा, 

कोई वे हैपूंची बोबड़्यां। 

======00======

कोई उधार्या भगत वे, 

कोई बिचारा वे रोकड़्यां, 

कोई हुदा- हादा वे अठै, 

कोई फदके अठै चौकड़्यां। 

======00======

कोई बढ़्या सूट- बूट पेरे, 

कोई पेरे खाली पौतड़्यां, 

कोई अबाणा पगा चाले, 

कोई पेरे अठै मौचड़्यां। 

======00======

कोई मेळ- माळ्यां वणावें, 

कोई वणावें अठै झौपड़्यां, 

कोई अंगुठा छाप रैई जा, 

कोई भणे अठै चौपड़्यां। 

======00======

हंगळा ऊं रामा-सामी करो, 

खराब मती करो खोपड़्यां, 

राजन चार दना रो मेळों हैं, 

आप मती हुजावों होबड़्यां।

आप मती हुजावों होबड़्यां।। 

======00======

राजेन्द्र सनाढ्य राजन

वाइस प्रिंसिपल : रा उ मा वि नमाना

नि-कोठारिया, जि-राजसमंद,राजस्थान

रचणां नं- 4392